«Փյունիկ» ֆուտբոլային ակումբը ՀՖՖ ղեկավարության հետ հանդիպելու վերաբերյալ հայտարարություն է արել:
««Փյունիկ» ֆուտբոլային ակումբի նոր ղեկավարությունն իր ռազմավարական զարգացման հիմքում կարևորում է համագործակցությունը Հայաստանի ֆուտբոլի ֆեդերացիայի (ՀՖՖ) հետ։
Այս շրջանակում տեղի է ունեցել հանդիպում ՀՖՖ ղեկավարության հետ, որի ընթացքում պայմանավորվել ենք համատեղ ուժերով նպաստել հայկական ֆուտբոլի զարգացմանը՝ միավորվելով ընդհանուր տեսլականի շուրջ։
Մեր նպատակն է գործել փոխադարձ հարգանքի, կառուցողական երկխոսության և պրոֆեսիոնալիզմի սկզբունքներով՝ հանուն ակումբի, մեր երկրպագուների և հայկական ֆուտբոլի առաջընթացի»,- գրված է հայտարարության մեջ:
Հայաստանի չեմպիոնը Fastex Պրեմիեր լիգայի այս մրցաշրջանում 17 խաղից հետո վաստակել է 37 միավոր ու 3-րդ տեղում է:
