Պատմության մեջ առաջին անգամ Հայաստանը ներկայացնող լեռնադահուկորդը հաղթահարել է մեծահասակների աշխարհի առաջնության որակավորման փուլը, հաղորդում է այդ մարզաձևի հայաստանյան ֆեդերացիան:
Հայաստանի ներկայացուցիչ Գլեբ Մոսեսովն Ավստրիայի Զալբախ քաղաքում ընթացող լեռնադահուկային սպորտի մեծահասակների աշխարհի առաջնության հսկա ոլորավայրէջք մրցաձևում զբաղեցրել է 23-րդ տեղը և փետրվարի 14-ին հանդես կգա եզրափակիչում: Մրցմանը մասնակցել են ևս 132 լեռնադահուկորդներ:
