Իտալական «Պարման» գլխավոր մարզչի պաշտոնից հեռացրել է Ֆաբիո Պեկիային, հաղորդում է ակումբի մամուլի ծառայությունը:
Իտալացի 51-ամյա մասնագետը «Պարմայի» ղեկը զբաղեցնում էր 2022 թվականի հունիսի 2-ից: Նրա գլխավորությամբ «Պարման» նախորդ մրցաշրջանում հաղթել էր Բ Սերիան և վերադարձել Իտալիայի ուժեղագույն լիգա:
«Պարման» Պեկիայի գլխավորությամբ անցկացրել է ընդհանուր 110 խաղ, տարել 46 հաղթանակ, գրանցել 32 ոչ-ոքի և կրել 32 պարտություն:
«Պարման» Ա Սերիայում 25 խաղից հետո 20 միավորով 18-րդն է:
