Հոկեյի ազգային լիգայի (NHL) նախամրցաշրջանային առաջնության հերթական խաղում «Վաշինգտոն Քեփիթալզը» տանը 4-8 հաշվով պարտվել է «Կոլամբուս Բլու Ջեքեթսին»։

«Քեփիթալզից» հանդիպմանը մասնակցել է նաև ռուս լեգենդար հոկեյիստ Ալեքսանդր Օվեչկինը։ 39-ամյա հարձակվողն առաջին քառորդում դիպուկ հարվածով բացել է հաշիվը, սակայն այդ գոլը չի օգնել իր թիմին։

Հիշեցնենք, որ Օվեչկինը NHL-ի պատմության երկրորդ լավագույն ռմբարկուն է։ Նա մրցակիցների դարպասը գրավել է 853 անգամ։ Վետերան հոկեյիստը 41 տափօղակով է զիջում լավագույն ռմբարկու Ուեյն Գրեցկիին (894 գոլ)։

«Վաշինգտոն Քեփիթալզը» միջմրցաշրջանային առաջնության Մայրաքաղաքային լիգայում 4 խաղում վաստակել է 2 միավոր և 8 թիմերի պայքարում 6-րդն է, «Բլու Ջեքեթսը» 4 միավորով երրորդն է։ Հոկեյի ազգային լիգայի կանոնավոր առաջնությունը մեկնարկելու է հոկտեմբերի 4-ին, գործող չեմպիոնը «Ֆլորիդա Թամփերզն» է։