Իտալական «Նապոլիի» նիգերիացի հարձակվող Վիկտոր Օսիմհենը խոսել է լեգենդար ֆուտբոլիստ Դիդյե Դրոգբայի մասին:
«Զարմանալի է, որ արթնանում ես, մտնում սոցիալական ցանցեր և քաջալերող հաղորդագրություն տեսնում Դրոգբայից, մի ֆուտբոլիստից, ումով հիացել ես մանկուց:
Դա անակնկալ էր և իհարկե մեծ մոտիվացիա ինձ համար: Ես շատ հաջող եմ ընտրել իմ ֆուտբոլային կուռքին և ուրախ եմ դրա համար»,- Օսիմհենի խոսքը մեջբերում է DAZN-ը:
Հիշեցնենք, որ 24-ամյա ֆուտբոլիստն Ա Սերիայի ընթացիկ մրցաշրջանի գլխավոր ռմբարկուն է՝ 20 խաղից հետո խփած 19 գոլով: «Նապոլին» 65 միավորով առաջին տեղում է:
