Իտալական «Նապոլիի» նիգերիացի հարձակվող Վիկտոր Օսիմհենը հայտարարել է, որ որոշում է կայացրել ապագայի վերաբերյալ:
«Ես արդեն կայացրել եմ որոշումս ու գիտեմ, թե որն է լինելու իմ հաջորդ քայլը: Ես ունեմ իմ ծրագիրը, պատկերացնում եմ հաջորդ մրցաշրջանը, գիտեմ՝ ինչ եմ ուզում: Գիտեմ նաև, որ մարդիկ շատ են խոսում Պրեմիեր լիգայի մասին: Այն աշխարհի մեծագույն առաջնություններից է»,- Օսիմհենի խոսքն է փոխանցում լրագրող Ֆաբրիցիո Ռոմանոն:
Հիշեցնենք, որ հուլիսին նիգերիացու հրաժարագինը կազմելու է 120 միլիոն եվրո:
