«Մանչեսթեր Սիթիի» ֆուտբոլիստ Օմար Մարմուշը վնասվածք է ստացել, տեղեկացնում է անգլիական ակումբի մամուլի ծառայությունը։
26-ամյա հարձակվողը ծնկի վնասվածք է ստացել աշխարհի 2026 թվականի առաջնության ընտրական փուլի Բուրկինա Ֆասո - Եգիպտոս (0-0) հանդիպման 9-րդ րոպեին ու չի կարողացել շարունակել խաղը։ Եգիպտոսցին բաց կթողնի «Մանչեթեր Յունայթեդի» դեմ դերբին։
Մարմուշը բժշկական հետազոտություն կանցնի Մանչեսթերում, որից հետո պարզ կդառնա, թե որքան ժամանակ բաց կթողնի։
Հարձակվողը 2025/26 մրցաշրջանում մասնակցել է 3 հանդիպման ու կատարել է 1 ասիստ։
Անգլիայի Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
