UFC-ի թեթև քաշային կարգում նախկին չեմպիոն, բրազիլացի Չարլզ Օլիվեյրան ու Ռուսաստանի ներկայացուցիչ Իսլամ Մախաչևը հայացքների մենամարտ են անցկացրել Աբու Դաբիում կայանալիք UFC 280 մրցաշարից առաջ:
Օլիվեյան ու Մախաչևը մենամարտելու են թեթև քաշային կարգի չեմպիոնական գոտու համար:
Հիշեցնենք, որ բրազիլացին նախորդ մենամարտում հաղթել էր ամերիկացի Ջասթին Գեյջիին, սակայն չեմպիոնական գոտին չէր ստացել սահմանված քաշը գերազանցելու համար (ընդամենը 230 գրամ):
MMA-ում Օլիվեյրան մենամարտել է 41 անգամ, տարել 33 հաղթանակ ու կրել 8 պարտություն: Մախաչևն անցկացրել է 23 պրոֆեսիոնալ մենամարտ, հաղթել 22-ում ու պարտվել 1-ում:
Օլիվեյրա - Մախաչև մենամարտը կկայանա հոկտեմբերի 22-ին ու կմեկնարկի կեսգիշերից հետո:
