Ռուդոլֆ Գարբոյանը (51 կգ) Իտալիայում ընթացող բռնցքամարտի օլիմպիական վարկանիշային մրցաշարում ավարտեց պայքարը: Հայաստանի ներկայացուցիչը 1/8 եզրափակիչում 0-5 հաշվով պարտվեց ադրբեջանցի Նիջաթ Հուսեյնովին:
Քիչ անց Ռաֆայել Հովհաննիսյանը (80 կգ) քառորդ եզրափակիչ դուրս գալու համար կմրցի իռլանդացի Քելին Քասիդիի հետ:
Օրվա երկրորդ հատվածում տեղի կունենա ևս մեկ հայ-ադրբեջանական դիմակայություն՝ Գուրգեն Մադոյանը (71 կգ) քառորդ եզրափակիչ դուրս գալու համար կմենամարտի Սարխան Ալիևի հետ: Այս հատվածի մենամարտերը կմեկնարկեն Երևանի ժամանակով 22:00-ին:
Հիշեցնենք, որ աշխարհի առաջնության բրոնզե մեդալակիր Նարեկ Մանասյանը (92 կգ) մարտի 9-ին 1/8 եզրափակիչի մենամարտի երկրորդ ռաունդում դեմքի պատռվածք էր ստացել, ինչից հետո բժիշկները թույլ չէին տվել շարունակել պայքարը:
Այս տարի Փարիզում կայանալիք 33-րդ ամառային Օլիմպիական խաղերի ուղեգիր նվաճելու համար բռնցքամարտիկները պետք է հասնեն վարկանիշային մրցաշարի կիսաեզրափակիչ:
