Արևմուտքում մտավախություն ունեն, որ Փարիզի ամառային Օլիմպիական խաղերը կարող են լինել ահաբեկիչների թիրախը:
ՄԱԿ-ի ծայրահեղականության դեմ պայքարի ծրագրի ավագ խորհրդական Էդմունդ Ֆիտոն-Բրաունը մտահոգությունն է հայտնել քառամյակի մարզական գլխավոր իրադարձության անցկացման հնարավոր խոչընդոտի վերաբերյալ:
«Ես անհանգստացած եմ Փարիզի Օլիմպիական խաղերի համար: Խաղերը կարող են դառնալ ահաբեկիչների հիմնական թիրախը»,- Ֆիտոն-Բրաունի խոսքը մեջբերում է New York Times-ը:
Այս մտավախություններն առաջացել են մերձմոսկովյան «Կրոկուս Սիթի» համերգասրահում մարտի 22-ին տեղի ունեցած ահաբեկչությունից հետո:
Հիշեցնենք, որ Փարիզ-2024-ը կանցկացվի հուլիսի 26-ից օգոստոսի 11-ը:
