«Նյուքասլը» դարձել է Անգլիայի Պրեմիեր լիգայի պատմության մեջ առաջին թիմը, որի 8 տարբեր ֆուտբոլիստներ գոլ են խփել մեկ խաղում, հաղորդում է Opta վիճակագրական կենտրոնը:
Անգլիայի առաջնության 6-րդ տուրում «Նյուքասլը» հյուրընկալվել էր «Շեֆիլդ Յունայթեդին» ու հաղթանակ տարավ 8-0 հաշվով:
Ավելի վաղ ԱՊԼ-ի մեկ խաղում նույն թիմի 7 տարբեր խաղացողների գոլ է արձանագրվել երկու անգամ՝ «Չելսի» մասնակցությամբ 2012 թվականին և «Մանչեսթեր Յունայթեդի» մասնակցությամբ 2021 թվականին:
«Նյուքասլից» ռեկորդին նպաստել են Շոն Լոնգստաֆը, Դեն Բեռնը, Սվեն Բոթմանը, Քալում Ուիլսոնը, Էնթոնի Գորդոնը, Միգել Ալմիրոնը, Բրունո Գիմարայնսն ու Ալեքսանդր Իսակը:
