Պորտուգալացի Նունու Էշպիրիտու Սանտուն նշանակվել է «Վեսթ Հեմի» գլխավոր մարզչի պաշտոնում, հաղորդում է անգլիական ակումբի մամուլի ծառայությունը:
Պայմանագիրը նախատեսված է երեք տարով։ Ֆինանսական մանրամասները չեն հրապարակվել։
51-ամյա Էշպիրիտու Սանտուն ավելի վաղ հեռացվել էր անգլիական «Նոթինգհեմ Ֆորեսթի» գլխավոր մարզչի պաշտոնից։ Նախկինում նա գլխավորել է նաև «Ալ Իթիհադը», «Տոտենհեմը», «Վուլվերհեմփթոնը» և այլ թիմեր:
«Վեսթ Հեմը» պարտվել է այս մրցաշրջանի վեց խաղերից հինգը և դուրս է մնացել Անգլիայի Լիգայի գավաթի խաղարկությունից։
Հիշեցնենք, որ ժամեր առաջ «Վեսթ Հեմի» գլխավոր մարզչի պաշտոնից հեռացվել էր անգլիացի Գրեհեմ Փոթերը:
Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
