«Նոթինգեմ Ֆորեսթը» գլխավորող պորտուգալացի Նունու Էշպիրիտու Սանտուն ճանաչվել է Պրեմիեր լիգայի ամսվա լավագույն մարզիչ, հայտնում է կազմակերպության մամուլի ծառայությունը:

Հոկտեմբերի լավագույն մարզչի համար պայքարում 50-ամյա մասնագետը շրջանցել է Պեպ Գվարդիոլային («Մանչեսթեր Սիթի»), Ֆաբիան Հյուրցելերին («Բրայթոն») և Արնե Սլոտին («Լիվերպուլ»):

Հիշեցնենք, որ նախորդ ամիս Էշպիրիտու Սանտուի գլխավորած թիմը 3 խաղում 2 հաղթանակ է տարել և 1 ոչ-ոքի է գրանցել:

10-տուրից հետո «Նոթինգեմ Ֆորեսթը» մրցաշարային աղյուսակում երրորդն է: