«Նորավանքը» հայտարարություն է տարածել՝ տեղեկացնելով, որ ակումբը բողոքարկել է «Արարատի» դեմ հանդիպման մրցավարական մի քանի որոշում:
Ստորև առանց խմբագրման ներկայացնում ենք ակումբի հայտարարությունը՝ կցված տեսանյութով:
1.Մրցակցի ֆուտբոլիստը գնդակը ստանում է խաղից դուրս վիճակում և գրոհը ավարտվում է գոլով,
2. Մրցակցի ֆուտբոլիստը կասեցնում է մեր ֆուտբոլիստի արագ գրոհը՝ բռնելով և քաշելով նրա շապիկից։ Նշված իրավիճակում մրցավարը դեղին քարտ ցույց չի տալիս մրցակցի ֆուտբոլիստին,
3. Մրցակցի ֆուտբոլիստը խախտում է խաղի կանոնները, մրցավարը ցույց չի տալիս դեղին քարտ կամ այլ կերպ չի զգուշացնում վերջինիս։ Նշվածից հետո մեր ֆուտբոլիստը թուլյ է տալիս խախտում, որի համար ստանում է դեղին քարտ մրցավարից,
4. Մրցակից թիմի ֆուտբոլիստը թույլ է տալիս կանոնների ակնհայտ խախտում, որի համար մրցավարն առնվազն պետք է նշանակեր 11մ հարված, սակայն, դա չի կատարվում և մրցավարը առհասարակ չի արձագանքում այս խախտմանը, ինչը պետք է աներ,
5. Մրցակից թիմի ֆուտբոլիստը դրսևորում է ակնհայտ ոչ ֆուտբոլային և սպորտային պահվածք, սակայն, կրկին մրցավարը չի արձագանքում այս վարքագծին, ակնհայտորեն մոտ լինելով և տեսնելով այդ դրվագը,
6. Նշանակված լրացուցիչ ժամանակը շուտ է ավարտել այն պարագայում, երբ կար կանոնների խախտում:
Հիշեցնենք՝ VBET Հայաստանի Պրեմիեր լիգայի 5-րդ տուրում «Արարատ» – «Նորավանք» խաղը կայացել է օգոստոսի 24-ին և ավարտվել է «Արարատի»՝ 3-2 հաշվով հաղթանակով:
