Մադրիդի «Ռեալի» երիտասարդական թիմի նախկին ավագ Մարկ Կուկալոնը հայտարարել է կարիերան ավարտելու մասին:
Իսպանացին վնասվածք էր ստացել դեռ 2022 թվականին: Վիրահատության ժամանակ բակտերիա է ներթափանցել նրա հոդի մեջ և վարակ առաջացրել։ Մարկն այդպես էլ չի ապաքինվել և ստիպված հեռացել է ֆուտբոլից:
«Ես փորձել եմ ամեն ինչ, որպեսզի ֆուտբոլ վերադառնամ և զբաղվեմ իմ սիրելի մարզաձևով: Այս ընթացքում շատ բան եմ սովորել: Ուրախ էի խաղալ աշխարհի լավագույն ակումբում»,- սոցիալական ցանցերում գրել է կիսապաշտպանը:
Իսպանական ֆուտբոլի վերլուծաբանները շատ բարձր էին գնահատում Կուկալոնի տաղանդը և նրան անվանում էին «նոր Խաբի Ալոնսո»:
