Ֆուտբոլի Հայաստանի փոխչեմպիոն «Նոան» հայտարարել է հերթական տրանսֆերի մասին։

Պորտուգալացի հարձակվող Գոնսալո Գրեգորիոն կարիերայի մեծ մասն անցկացրել է հայրենիքում։ «Բելենենսեշի» պատանեկան թիմերում խաղալուց հետո Գոնսալոն համալրել է գլխավոր թիմի կազմը, այնուհետև խաղացել է «Կասա Պիայում», «Լեյշոեշում», «Վիլաֆրանկենսեում», «Պասուշ Ֆերեյրայում»։

29-ամյա ֆուտբոլիստը «Նոա» է տեղափոխվել Բուխարեստի «Դինամոյից», որի կազմում անցկացրած 41 խաղում դարձել է 8 գոլի հեղինակ։

Հիշեցնենք, որ այս օրերին «Նոան» հավաք է անցկացնում Սերբիայում։