Ֆուտբոլի Հայաստանի Պրեմիեր լիգայի փոխչեմպիոն «Նոան» մեկնել է ուսումնամարզական հավաքի:
Ակումբի մամուլի ծառայությունը գրում է, որ նորանշանակ գլխավոր մարզիչ Ռուի Մոտայի գլխավորությամբ թիմը գտնվում է Սերբիայում:
Ուսումնամարզական հավաքի շրջանակում «Նոան» կանցկացնի ընկերական խաղեր: Այդ խաղերից մեկը կլինի լեհական «Շլյոնսկի» հետ և կկայանա հունիսի 29-ին:
Հիշեցնենք, որ Կոնֆերենցիաների լիգայի որակավորման առաջին փուլում երևանյան թիմը հուլիսի 11-ին և 18-ին մրցելու է հյուսիսմակեդոնական «Շկենդիայի» հետ:
