Լոնդոնի «Արսենալի» նախկին գլխավոր մարզիչ Արսեն Վենգերը խոսել է «Մանչեսթեր Յունայթեդի» լեգենդար գլխավոր մարզիչ Ալեքս Ֆերգյուսոնի հետ ունեցած հարաբերությունների մասին։
«Ալեքս Ֆերգյուսոնը դոմինանտ կերպար էր անգլիական ֆուտբոլում։ Նրանից բոլոր վախենում էին՝ մամուլից մինչև մրցավարներ։ Ես կարծում էի՝ ինձ համար հիանալի հնարավորություն էր ցույց տալու, որ միայն Անգլիայում չէ, որ գիտեն ինչպես ֆուտբոլ խաղալ։ Ես պատրաստ էի մեր պայքարին։
Մեր հարաբերությունները երբեմն շատ լարված էին, մանավանդ խաղերից հետո։ Երբ դուք պայքարում եք հաղթանակի համար՝ երկու առյուծների եք վերածվում։ Քո միակ նպատակը քեզ դիմադրող առյուծին հաղթելն է։ Ֆուտբոլում ես չէի վախենում ոչ մի անձից»,- Վենգերի խոսքն է հաղորդում Mirror-ը։
