Ռեժիսոր Թոդ Ֆիլիպսը «Ջոկեր» ֆիլմի շարունակությունից նոր կադր է հրապարակել: 

«Ջոկեր․ Խելագարություն երկուսի համար» («Joker: Folie à Deux») ֆիլմի այս կադրում Լեդի Գագան՝ Հարլի Քուինի դերում, Ջոկերին մարմնավորող Խոակին Ֆենիքսի գրկում է:

Լեդի Գագան ֆիլմում իր մասնակցությունը հաստատել էր անցյալ տարվա օգոստոսին։ Ֆիլմի ժանրը հայտարարված է որպես մյուզիքլ։ Հայտնի է, որ Ջոկերի և Հարլիի հարաբերությունների պատմությունը կտեսնենք հենց սկզբից, այսինքն՝ այն պահից, երբ հոգեբույժ Հարլին Քուինզելը հոգեբուժարանում ծանոթանում է Ջոկերի հետ։ Չարագործը ստիպում է աղջկան սիրահարվել իրեն և օգնել փախուստի հարցում։

Ֆիլմի համաշխարհային պրեմիերան տեղի կունենա 2024 թվականի հոկտեմբերի 4-ին։