Ամերիկյան «Ֆլորիդա Պանթերզը» Հոկեյի ազգային լիգայի (NHL) եզրափակիչ սերիայի առաջին խաղում 3-0 հաշվով հաղթել է կանադական «Էդմոնթոն Օյլերսին»: Դարպասի գրավմամբ աչքի են ընկել Կարտեր Վերաժը, Էվան Ռոդրիգեսը և Էտու Լուոստարինենը:
«Ֆլորիդայի» կազմում տպավորիչ խաղ է անցկացրել ռուս դարպասապահ Սերգեյ Բոբրովսկին: 35-ամյա դարպասապահը փակել է մրցակցի հոկեյիստների կատարած բոլոր 32 նետումները՝ գրանցելով շաթաութ: Բոբրովսկին ամենատարեց դարպասապահն է, որը եզրափակիչ սերիայի առաջին խաղում նման հաջողության է հասնում:
Շարքի երկրորդ հանդիպումը տեղի կունենա հունիսի 11-ին կրկին Ֆլորիդայում:
