Բրազիլացի հարձակվող Նեյմարն այս տարի ևս իր քրոջ՝ Ռաֆայելա Սանտոսի ծննդյան տարեդարձի նախորդ օրը խաղադաշտ դուրս չի եկել, հաղորդում է Thu Sun-ը:
«Սանթոսի» 33-ամյա ֆուտբոլիստը մարտի 10-ին չի մասնակցել «Կորինտիանսի» դեմ Պաուլիստայի լիգայի կիսաեզրափակիչի խաղին, որտեղ Նեյմարի թիմակիցները պարտվել են 1-2 հաշվով:
Ստացվում է, որ Նեյմարը խաղադաշտ դուրս չի եկել իր քրոջ ծննդյան տարեդարձի նախորդ օրը վերջին 11 տարիներից 10-ում:
Այդ մեկ տարին, երբ Նեյմարը տվյալ ժամանակահատվածում մասնակցել է խաղի, եղել է 2020 թվականը: Այդ ժամանակ ֆրանսիական ՊՍԺ-ն Չեմպիոնների լիգայի 1/8 եզրափակիչում 2-0 հաշվով հաղթել է Դորտմունդի «Բորուսիային», Նեյմարը խփել է գոլերից մեկը:
