Սաուդյան Արաբիայի առաջնության առաջատար «Ալ Հիլալի» և Բրազիլիայի հավաքականի հարձակվող Նեյմարը շարունակում է վերականգնվել ծանր վնասվածքից։
31-ամյա ֆուտբոլիստը սոցցանցերում տեսանյութ է հրապարակել վերականգնողական փուլից։
Նախնական տվյալներով, Նեյմարը կկարողանա խաղադաշտ վերադառնալ 2024թ․ օգոստոսին։ Դա նշանակում է, որ բրազիլացին բաց կթողնի Ամերիկայի գավաթի խաղարկությունը, որը կկայանա 2024թ․ հունիսի 20-ից հուլիսի 14-ը։
Հիշեցնենք, որ Նեյմարը վնասվածք է ստացել հոկտեմբերին։ Նա այս տարվա ամռանն է ֆրանսիական ՊՍԺ-ից տեղափոխվել «Ալ Հիլալ», որի կազմում անցկացրել է 5 հանդիպում, դարձել 1 գոլի ու 3 գոլային փոխանցման հեղինակ։
