Ֆրանսիացի մասնագետ Զինեդին Զիդանը Փարիզի ՊՍԺ-ի գլխավոր մարզիչ Քրիստոֆ Գալտյեին փոխարինելու հիմնական թեկնածուն է։

Mundo Deportivo-ի համաձայն՝ որպեսզի Մադրիդի «Ռեալի» նախկին գլխավոր մարզիչը միանա ՊՍԺ-ին, ֆրանսիական ակումբը պետք է բաժանվի բրազիլացի հարձակվող Նեյմարից։ Դա Զիդանի գլխավոր պահանջներից է։

Զինեդին Զիդանն առանց աշխատանքի է 2021 թվականից, երբ հեռացել էր «Ռեալից»։

Հիշեցնենք, որ 31-ամյա Նեյմարի պայմանագիրը ՊՍԺ-ի հետ նախատեսված է մինչև 2025 թվականի ամառ։ Այս մրցաշրջանում բրազիլացին Ֆրանսիայի չեմպիոնի կազմում անցկացրել է 29 հանդիպում, դարձել 18 գոլի և 17 գոլային փոխանցման հեղինակ։