Իտալիայի չեմպիոն «Միլանի» լեգենդար պաշտպան Ալեսանդրո Նեստան իր կարծիքն է հայտնել անգլիական «Մանչեսթեր Սիթիի» նորվեգացի հարձակվող Էրլինգ Հոլանդի մասին:

-Ի՞նչ եք կարծում, Ձեր լավագույն մարզավիճակում կկարողանայիք հսկել Հոլանդին:

- Այո՛, կկարողանայի: Հոլանդը շատ լավն է, սակայն ես խաղացել եմ Մեսիի, Ռոնալդուի, բրազիլացի Ռոնալդոյի դեմ. Ռոնալդոն յուրահատուկ էր: 

- Ի՞նչ խորհուրդ կտաք պաշտպաններին, որոնք պայքարում են Հոլանդի դեմ:

- Ես կփորձեի խաղալ նրան շատ մոտ: Երբ սկսում է արագացումը, հարկավոր է փակել ճանապարհը: Եթե Հոլանդին տարածություն տաս, վերջդ կգա»,- իտալացու խոսքը փոխանում է Copa90-ը:

Հիշեցնենք, որ աշխարհի չեմպիոնը 2002-2012 թվականներին պաշտպանել է «Միլանի» գույները: 

Անգլիայի ընթացիկ առաջնությունում Հոլանդն անցկացրել է 8 խաղ, խփել 14 գոլ ու կատարել 3 ասիստ: