Բասկետբոլի ազգային ասոցիացիայի (NBA) կանոնավոր առաջնության հերթական տուրում կայացել է ամենաարդյունավետ հանդիպումը 21-րդ դարում:
«Քլիպերսն» ու «Սակրամենտոն» հաղթողին պարզել են երկու լրացուցիչ ժամանակից հետո: Թիմերը միասին վաստակել են 351 միավոր: Հյուրերը հաղթել են 176-175 հաշվով:
«Քլիպերսի» կազմում 44 միավորով ամենաարդյունավետը Կավայ Լենդարդն է: «Սակրամենտոյի» բասկետբոլիստ Դե Արոն Ֆոսքն ընդամենը 2 միավոր է զիջել մրցակցին:
Հիշեցնենք, որ NBA-ի պատմության մեջ ավելի խոշոր հաշիվ գրանցվել է միայն 1983թ., երբ «Դենվերը» 184-186 հաշվով զիջել է «Դեթրոյթին»:
