Բասկետբոլի ազգային ասոցիացիայի (NBA) 1/8 եզրափակիչի երրորդ խաղում «Ինդիանա Փեյսերսը» տանը օվերթայմում 121-118 հաշվով հաղթեց «Միլուոկի Բաքսին»։ «Փեյսթերսը» հաղթանակի շնորհիվ առաջ անցավ նաև շարքում՝ 2-1։

Հանդիպման ամենաարդյունավետ բասկետբոլիստ դարձավ «Բաքսի» թեթև հարձակվող Քրիս Միդլթոնը, որը գրանցեց դաբլ-դաբլ` 42 միավոր, 10 ռեբաունդ, 5 ասիստ։

«Դալաս Մավերիքսը» նույնպես առաջ անցավ շարքում և հաշիվը դարձրեց 2-1։ «Մավերիքսը» սեփական մանրահատակի վրա 101-90 հաշվով վստահ հաղթանակ տարավ «Լոս Անջելես Քլիփերսի» նկատմամբ։

Հանդիպման ամենաարդյունավետ բասկետբոլիստը տանտերերի առաջատար Լուկա Դոնչիչն էր` վաստակելով 22 միավոր, 10 անգամ տիրելով օղակից անդրադարձած գնդակին, կատարելով 9 արդյունավետ փոխանցում։ Սլովենացի բասկետբոլիստը դաբլ-դաբլի հեղինակ դարձավ։

Շարքում երրորդ հաղթանակը տարավ «Մինեսոտա Թիմբերվուլվզը», որը հյուրընկալվելիս 126-109 հաշվով հաղթեց «Ֆինիքս Սանսին»։

Հանդիպման ամենաարդյունավետ բասկետբոլիստ ճանաչվեց «Թիմբերվուլվզի» խաղացող Էնթոնի Էդվարդսը (36 միավոր, 9 ռեբաունդ, 5 ասիստ)։

NBA, 1/8 եզրափակիչ

«Ինդիանա Փեյսերս» - «Միլուոկի Բաքս»` 121-118 (39-22, 28-33, 23-28, 21-28, օվերթայմ` 10-7)

Շարքի հաշիվը` 2-1
«Դալաս Մավերիքս» - «Լոս Անջելես Քլիփերս»` 101-90 (18-23, 36-18, 24-26, 23-23)

Շարքի  հաշիվը` 2-1
«Ֆինիքս Սանս» - «Մինեսոտա Թիմբերվուլվզ»` 109-126 (32-34, 21-25, 20-36, 36-31)

Շարքի հաշիվը` 0-3