Բասկետբոլի ազգային ասոցիացիայի (NBA) քառորդ եզրափակիչի 6-րդ խաղում «Մինեսոտա Թիմբերվուլվզը» սեփական խաղահրապարակում ջախջախել է գործող չեմպիոն «Դենվեր Նագեթսին»՝ 115-70 (31-14, 28-26, 27-21, 29-9)։ Դիմակայությունում հաշիվը հավասարեցրել է։

Տանտերերի կազմում լավագույնը ճանաչվել է ամերիկացի Էնթոնի Էդվարդսը, որը վաստակել է 27 միավոր, գրանցել 4-ական ռեբաունդ ու ասիստ: «Դենվերի» առաջատար Նիկոլա Յոկիչը հավաքել է 22 միավոր, կատարել 9 ռեբաունդ ու 2 ասիստ։

Շարքի վճռորոշ՝ 7-րդ հանդիպումը կկայանա մայիսի 19-ին Դենվերում։ Հաղթողը հաջորդ փուլում կմրցի «Դալաս Մավերիքս» - «Օկլահոմա Սիթի Թանդեր» զույգի հաղթողի հետ։