Բասկետբոլի ազգային ասոցիացիայի (NBA) Արևմտյան կոնֆերենցիայի փլեյ-օֆֆի քառորդ եզրափակիչի վերջին մասնակիցը դարձավ «Դալաս Մավերիքսը», որը հաղթեց «Լոս Անջելես Քլիփերսի» հետ շարքում` 4-2 հաշվով։

Դիմակայության 6-րդ խաղում «Մավերիքսը» տանը «Քլիփերսի» նկատմամբ առավելության հասավ 114-101 հաշվով։ Հանդիպման ամենաարդյունավետ խաղացող դարձավ տանտերերի խաղարկող պաշտպան Կայրի Իրվինգը` վաստակելով 30 միավոր, կատարելով 6 ռեբաունդ ու 4 ասիստ։ «Դալաս Մավերիքսը» քառորդ եզրափակիչում մրցելու «Օկլահոմա Սիթի Թանդերի» դեմ։

Արևելյան կոնֆերենցիայի 1/8 եզրափակիչի վերջին դիմակայության շարքում հաշիվը կրկին հավասարվեց` 3-3։ «Օռլանդո Մեջիքը» սեփական մանրահատակի վրա 103-96 հաշվով հաղթեց «Կլիվլենդ Կավալյերսին»։

«Կալայերսին» չօգնեց, նույնիսկ, Դոնովան Միտչելի 50 միավորը, որը հանդիպման ամենաարդյունավետ բասկետբոլիստն էր։ Նա նաև 4-ական ասիստ ու ռեբաունդ կատարեց։

NBA, 1/8 եզրափակիչ

«Դալաս Մավերիքս» - «Լոս Անջելես Քլիփերս»` 114-101 (34-26, 18-26, 35-20, 27-29)

Շարքի հաշիվը` 4-2

«Օռլանդո Մեջիք» - «Կլիվլենդ Կավալյերս»` 103-96 (29-25, 24-24, 20-29, 30-18)

​​​​​​Շարքի հաշիվը` 3-3