NBA-ը և FIBA-ն հայտարարել են, որ հունվարին կշարունակեն բասկետբոլի նոր պրոֆեսիոնալ համաեվրոպական լիգայի ստեղծման համատեղ ուսումնասիրությունը՝ ներգրավելով պոտենցիալ թիմերին և սեփականատերերի խմբերին մրցաշարին միանալու գործընթացում։
«Մշտական տեղերից բացի, նոր լիգան Եվրոպայում FIBA-ի հետ կապված ներքին լիգայի յուրաքանչյուր թիմի հնարավորություն կտա ամեն տարի որակավորվելու մրցաշարին Չեմպիոնների լիգայի կամ մրցաշրջանի ավարտի ընտրական մրցաշարի միջոցով։ Լիգան նաև կհամապատասխանեցնի իր ժամանակացույցը ներքին լիգաների և ազգային հավաքականների ժամանակացույցին՝ թույլ տալով խաղացողներին ներկայացնել իրենց ակումբն ու ազգային հավաքականն ամբողջ տարվա ընթացքում։
Նոր լիգայի շրջանակում NBA-ը և FIBA-ն նաև նախատեսում են ֆինանսական աջակցություն ու ռեսուրսներ տրամադրել՝ եվրոպական բասկետբոլի հետագա զարգացման համար»,- նշված է համատեղ հայտարարությունում:
NBA-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում և Fast TV հավելվածում (iOS, Android):
