Ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանը մեկնաբանել է չեխերի նկատմամբ արտագնա հաղթանակը (4-1) 2024թ. աշխարհի առաջնության որակավորման հիմնական փուլի 3-րդ տուրում:
«Ամբողջ խաղի ընթացքում պրեսինգ էինք անում: Կրկին լավ վերլուծել էինք, այսօր սխալներ ավելի քիչ թույլ տվեցինք, քան առաջին խաղում: Շատ բարձրակարգ խաղ ցուցադրեցինք, ցանկանում եմ շնորհավորել բոլորիս:
Մեր խումբը բավականին բարդ էր: Շատ լավ խաղացինք, արդեն կսպասենք նոր խմբին, որտեղ նույնպես ցանկանում ենք առաջինը լինել»,- նշել է Նազարեթյանը ՀՖՖ մամուլի ծառայության հետ զրույցում:
Հիշեցնենք, որ Հայաստանի հավաքականն անցկացրած 3 խաղերից հետո 100-տոկոսանոց արդյունքով (9 միավոր) ապահովել է առաջին տեղն ընտրական 3-րդ խմբում և նվաճել որակավորման փուլի էլիտ-ռաունդի ուղեգիր: Չեխերը 3 միավոր ունեն, Բոսնիա և Հերցեգովինան առանց միավորի է:
Հայաստանի հավաքականը որակավորման հիմնական փուլի վերջին տուրում մարտի 3-ին Երևանում կընդունի Բոսնիա և Հերցեգովինայի թիմին:
