Իտալական «Վերոնայի» հարձակվող Ջովանի Սիմեոնեն մոտ է «Նապոլի» տեղափոխվելուն, հայտնում է Corriere dello Sport-ը:

Նեապոլյան ակումբը տրանսֆերի շուրջ համաձայնության է եկել 27-ամյա հարձակվողի հետ, մնում է միայն պայմանավորվել «Վերոնայի» հետ:

Նախորդ մրցաշրջանում Սիմեոնեն «Վերոնայի» կազմում անցկացրել է 35 խաղ, դարձել 17 գոլի և 6 գոլային փոխանցման հեղինակ:

Transfermarkt-ն արգենտինացի հարձակվողի տրանսֆերային արժեքը գնահատում է 17 միլիոն եվրո։

Ջովանին  Մադրիդի «Ատլետիկոյի» գլխավոր մարզիչ Դիեգո Սիմեոնեի որդին է։