«Ուրարտուի» 23-ամյա պաշտպան Նանա Անտվին կարիերան կշարունակի Ռումինիայի փոխչեմպիոն «Ստյաուայի» կազմում, հայտնում է երևանյան ակումբի պաշտոնական կայքը:
Գանացի ֆուտբոլիստն «Ուրարտու» էր տեղափոխվել 2021 թվականի ամռանը և թիմի կազմում անցկացրած 87 խաղում դարձել է երկու գոլի ու 8 ասիստի հեղինակ:
2022/23 մրցաշրջանում Անտվին «Ուրարտուի» կազմում դարձել է Հայաստանի չեմպիոն և գավաթակիր։
«Ստյաուան» ընթացիկ մրցաշրջանում Ռումինիայի առաջնության առաջատարն է և երկրորդ տեղում ընթացող «Կլուժի» նկատմամբ ունի 8 միավորի առավելություն:
