Հայաստանի ազգային հավաքականի պաշտպան Նաիր Թիկնիզյանը երկրպագուների քվեարկությամբ ճանաչվել է Մոսկվայի «Լոկոմոտիվի»՝ սեպտեմբերի լավագույն ֆուտբոլիստ, հաղորդում է ակումբի կայքը:
24-ամյա ֆուտբոլիստը ստացել է ընդհանուր ձայների 55.2 տոկոսը: Սեպտեմբերին հայ պաշտպանը մայրաքաղաքային ակումբի կազմում անցկացրել է 4 խաղ, «Զենիթի» դեմ հանդիպմանը խփել է հաղթական գոլ ու կատարել գոլային փոխանցում:
Ակումբը շնորհավորել է Թիկնիզյանին ու հաջողություն մաղթել նրան Հայաստանի հավաքականում:
Հիշեցնենք, որ Նաիր Թիկնիզյանը «Լոկոմոտիվի» գույները պաշտպանում է 2021 թվականից:
