Ֆուտբոլի Գերմանիայի հավաքականի գլխավոր մարզիչ Յուլիան Նագելսմանը մեկնաբանել է Եվրո-2024-ի խմբային փուլի երրորդ տուրում Շվեյցարիայի թիմի հետ ոչ-ոքին (1-1)։
«Շատ բան տեսանք խմբային փուլում։ Անկեղծ` կարծում եմ, որ Շվեյցարիայի դեմ ավելի լավ խաղացինք, քան Հունգարիայի դեմ հանդիպմանը (2-0)։ Շվեյցարիայի հավաքականը հիանալի էր գործում դաշտում, բայց ապագայի համար ես նախընտրում եմ 1-1, այլ ոչ թե 4-0 հաշիվը»,- գերմանացի մասնագետի խոսքը մեջբերում է RMC Sport-ը։
Հիշեցնենք, որ Բունդեսթիմը Շվեյցարիայի հավաքականի դեմ խաղում ոչ-ոքի էր կորզել ավելացված երկրորդ րոպեին (տեսանյութ)։ Գերմանիայի հավաքականն A խմբում 7 միավորով գրավեց առաջին տեղը և դուրս եկավ 1/8 եզրափակիչ։ Պայքարը շարունակում են նաև 6 միավորով խմբում երկրորդ տեղը զբաղեցրած շվեյցարացիները։
