Նիդերլանդների հավաքականի գլխավոր մարզիչ Ռոնալդ Կումանին դուր չի եկել, որ վինգեր Ստևեն Բերգվեյնն Ամստերդամի «Այաքսից» տեղափոխվել է Սաուդյան Արաբիայի «Ալ Իտիհադ»:
«Բերգվեյնը 26 տարեկանում մեկնեց Սաուդյան Արաբիա: Ակնհայտ է, որ այդ որոշումը որևէ կապ չունի մարզական հավակնությունների հետ:
Նա այլևս չի խաղա Նիդերլանդների հավաքականում: Ստևենը, հավանաբար, գիտեր, որ ես այսպես եմ արձագանքելու, դրա համար չի խորհրդակցել ինձ հետ»,- Կումանի խոսքը փոխանցում է nos.nl-ը:
Հիշեցնենք, որ Նիդերլանդների հավաքականի 26-ամյա ֆուտբոլիստի տրանսֆերի արժեքը կազմել է 21 միլիոն եվրո: «Այաքսում» անցկացրած 2 տարում Բերգվեյնը մասնակցել է 80 խաղի, խփել է 29 գոլ ու կատարել 12 գոլային փոխանցում:
