Իտալացի հարձակվող Մոյզե Քինը Թուրինի «Յուվենտուսից» տեղափոխվել է «Ֆիորենտինա», հայտնում է Ֆլորենցիան ներկայացնող ակումբի մամուլի ծառայությունը:
24-ամյա ֆուտբոլիստը նոր ակումբի հետ կնքել է 5 տարվա պայմանագիր: «Յուվենտուսը» Քինի տրանսֆերի վաճառքից կստանա 13 միլիոն եվրո, ևս 5 միլիոն եվրո՝ բոնուսների տեսքով:
Իտալիայի ազգային հավաքականում 15 հանդիպման մասնակցած և 4 գոլ խփած հարձակվողը «Յուվենտուսից» բացի խաղացել է նաև իտալական «Վերոնայում», ֆրանսիական ՊՍԺ-ում և անգլիական «Էվերթոնում»:
