«Ֆիորենտինայի» և Իտալիայի հավաքականի հարձակվող Մոյզ Քինին թույլ են տվել վերսկսել մարզումները, հաղորդում է ակումբի մամուլի ծառայությունը:
«Այսօր առավոտյան Մոյզ Քինը ենթարկվել է բժշկական հետազոտությունների, որոնք նախատեսված էին Իտալիայի առաջնության «Վերոնա» - «Ֆիորենտինա» հանդիպման ժամանակ ստացած գլխի վնասվածքից հետո: Հաշվի առնելով թեստերի հաջող արդյունքները՝ ֆուտբոլիստը կարող է վերսկսել մարզումները»,- ասվում է ակումբի հաղորդագրությունում:
Հիշեցնենք, որ Քինը խաղադաշտից դուրս էր բերվել պատգարակով ու արհեստական շնչառության սարքավորումով:
