«Ռոմայի» գլխավոր մարզիչ Ժոզե Մոուրինյոն խոսել է իր՝ «Ռեալը» գլխավորելու խոսակցությունների մասին:
«Իմ վերադարձը «Ռեա՞լ»: Ֆլորենտինո Պերեսը շատ խելացի է, նա գիտի, որ ակումբում արդեն աշխատում է սուպերմարզիչ, այնպես որ՝ ես «Ռեալին» պետք չեմ:
Ես մադրիդիստ եմ, հետևում եմ թիմի խաղերին: Հուսով եմ՝ Անչելոտին կմնա «Ռեալում»: Նա մադրիդցիների համար կատարյալ մարզիչ է», - պորտուգալացու խոսքն է փոխանցում Ֆաբրիցիո Ռոմանոն:
Մոուրինյոն գլխավորել է «Ռեալը» 2010-ից մինչև 2013 թվականը, ակումբի հետ դարձել Իսպանիայի չեմպիոն, գավաթակիր, մեկ անգամ էլ նվաճել է երկրի սուպերգավաթը:
