Ռուսաստանը ներկայացնող հայ թենիսիստ Կարեն Խաչանովն ավարտեց ելույթը Մոնտե Կառլոյում ընթացող «Մասթերս» շարքի մրցաշարում։

Քառորդ եզրափակիչում աշխարհի 17-րդ ռակետը պարտվեց հույն Ստեֆանոս Ցիցիպասին։ Աշխարհի 12-րդ ռակետը հաղթեց 2 սեթում՝ 6-4, 6-2։ Մրցախաղը տևեց 1 ժամ 23 րոպե։

Կիսաեզրափակիչում Ցիցիպասի մրցակիցը կլինի Հոլգեր Ռունե (Դանիա) – Յաննիկ Սիներ (Իտալիա) դիմակայության հաղթողը։

Հիշեցնենք, որ նախորդ 3 մրցախաղում Կարեն Խաչանովը հաղթել էր արգենտինացի Ֆրանսիսկո Սերունդոլոյին (22-րդ ռակետ), բրիտանացի Քեմերոն Նորիին (30-րդ ռակետ) ու ռուս Դանիլ Մեդվեդևին (4-րդ ռակետ)։

Մոնտե Կառլոյի «Մասթերսի» մրցանակային հիմնադրամը 5,9 միլիոն եվրո է։