Աշխարհի չորրորդ ռակետ Կասպեր Ռուդը սենսացիոն պարտություն կրեց Մոնտե Կառլոյում ընթացող «Մասթերս» շարքի մրցաշարի 1/8 եզրափակիչում:
Նորվեգացի թենիսիստը երկու սեթում 1-6, 6-7 (6-8) հաշվով պարտվեց աշխարհի 100-րդ ռակետ, գերմանացի Յան-Լենարդ Շտրուֆին: Մրցախաղը տևեց 1 ժամ 42 րոպե:
Շտրուֆը կիսաեզրափակիչի ուղեգիրը կվիճարկի ռուսաստանցի թենիսիստներ Կարեն Խաչանովի և Անդրեյ Ռուբլյովի դիմակայության հաղթողի հետ:
Հիշեցնենք, որ Մոնտե Կառլոյի մրցաշարի գործող չեմպիոնը հույն թենիսիստ Ստեֆանոս Ցիցիպասն է:
