«Մոնակոն» Լիգա 1-ի 11-րդ տուրում ընդունեց «Բրեստին» և հաղթանակի հասավ 2-0 հաշվով:

Տանտերերի կազմում գոլով ու գոլային փոխանցումով աչքի ընկավ ռուս կիսապաշտպան Ալեքսանդր Գոլովինը:

«Նիսը» տնային խաղում ուժերը չափեց «Ռենի» հետ և հաղթեց 2-0 հաշվով:

Առաջին կեսի վերջնամասում տանտերերին հաշվի մեջ առաջ մղեց Ջերեմի Բոգան, իսկ խաղավերջում սեփական դարպասը գրավեց «Ռենի» 38-ամյա դարպասապահ Սթիվ Մանդանդան: 

Թիմերը խաղն ավարտեցին 10-ական ֆուտբոլիստով. 75-րդ րոպեին ուղիղ կարմիր քարտով խաղադաշտից հեռացվեց «Նիսի» կիսապաշտպան Յուսուֆ Նդայշիմին, իսկ 85-րդ րոպեին՝ «Ռենի» պաշտպան Վարմեդ Օմարին:

«Նիսը» գլխավորեց աղյուսակը վաստակած 25 միավորով, երկրորդ տեղում 24 միավորով ՊՍԺ-ն է, «Մոնակոն», որը 23 միավոր է վաստակել, երրորդն է:

Լիգա 1, 11-րդ տուր

«Մոնակո» - «Բրեստ»՝ 2-0 (տեսանյութ)

Դենիս Զաքարիա, 16, Ալեքսանդր Գոլովին, 69

«Նիս» - «Ռեն»՝ 2-0 (տեսանյութ)

Ջերեմի Բոգա, 45, Սթիվ Մանդանդա (ինքնագոլ), 87

Հեռացում՝ Յուսուֆ Նդայշիմի, 75 - Վարմեդ Օմարի, 85