Ֆրանսիական «Մոնակոյի» նախկին հարձակվող Վիսամ Բեն-Յեդերը խուսափել է ազատազրկումից:

34-ամյա ֆուտբոլիստը մեղադրվում է ոչ սթափ վիճակում սեռական բռնություն կատարելու մեջ:

Էքս ան Պրովանսի բողոքարկման դատարանը որոշել է մերժել դատարանի պահանջած նախնական կալանքը:

Բեն-Յեդերը տնային կալանքի տակ կմնա մինչև հոկտեմբերի 15-ը, երբ Նիսի քաղաքային դատարանը կկայացնի վերջնական վճիռը:

Ֆրանսիայի հավաքականի նախկին խաղացողին արգելվել է այցելել բարեր, գիշերային ակումբներ: Նա պարտավոր է բուժման կուրս անցնել ալկոհոլային կախվածության դեմ:

Հիշեցնենք, որ Բեն-Յեդերը «Մոնակոյից» հեռանալուց հետո ակումբ չուներ և ոստիկանության կողմից բերման էր ենթարկվել սեպտեմբերի 6-ին: