«Մոնակոյի» ճապոնացի կիսապաշտպան Տակումի Մինամինոն ճանաչվել է Ֆրանսիայի առաջնության՝ օգոստոսի լավագույն ֆուտբոլիստ, հաղորդում է Լիգա 1-ի մամուլի ծառայությունը։

Քվեարկության արդյունքում 28-ամյա ֆուտբոլիստն առաջ է անցել Մանուել Ուգարտեից (ՊՍԺ) ու Մուսա Ալ-Տամարիից («Մոնպելյե»)։

Օգոստոսին Մինամինոն մասնակցել է Լիգա 1-ի 3 խաղի, դարձել 3 գոլի ու մեկ գոլային փոխանցման հեղինակ։ 2006-ից հետո նա առաջին ճապոնացին է, որը ստանում է Ֆրանսիայի առաջնության ամսվա լավագույն ֆուտբոլիստի մրցանակը։