Մոլդովայի գավաթի խաղարկության կիսաեզրափակիչի առաջին խաղում Տիրասպոլի «Շերիֆը» մրցակցի դաշտում 2-1 հաշվով հաղթեց «Զիմբրուին»։
Հյուրերի մեկնարկային կազմում էր Հայաստանի ազգային հավաքականի կիսապաշտպան Արթուր Սերոբյանը, որը 22-րդ րոպեին հեռվից շքեղ հարվածով խփեց իր թիմի երկրորդ գոլը։
21-ամյա ֆուտբոլիստը փոխարինվեց 72-րդ րոպեին։
Կողմերի պատասխան հանդիպումը կկայանա մայիսի 14-ին։
Մոլդովայի գավաթ, կիսաեզրափակիչ, առաջին հանդիպում
«Զիմբրու» - «Շերիֆ»` 1-2
Մայքլ Էբիկաբովեի, 84 - Ռաշիդ Ակբանի, 5, Արթուր Սերոբյան, 22
