Իսպանիայի գավաթի խաղարկության 1/16 եզրափակիչում Մադրիդի «Ռեալը» 5:0 հաշվով հաղթել է «Դեպորտիվո Միներային», գոլերից մեկն էլ խփել է կիսապաշտպան Լուկա Մոդրիչը:
39-ամյա ֆուտբոլիստը 13-րդ մրցաշրջանն է անցկացնում «Արքայական ակումբում», սակայն մինչև նշված հանդիպումն աչքի չէր ընկել գոլով Արքայական գավաթի խաղարկությունում:
Խորվաթի համար «Դեպորտիվո Միներայի» դեմ խաղը 30-րդն էր գավաթի մրցաշարում: Մոդրիչը 2 անգամ դարձել է Իսպանիայի գավաթակիր:
