Անգլիական «Մանչեսթեր Յունայթեդը» Եվրոպա լիգայի խմբային փուլի 4-րդ տուրի տնային խաղում Կիպրոսի «Օմոնիայի» նկատմամբ հաղթանակի արդյունքում ռեկորդ է սահմանել: 

Անգլիական գրանդը կատարել է 34 հարված (12-ը՝ դարպասին): Այս ցուցանիշը ռեկորդային է Եվրոպա լիգայի վերջին 2 խաղարկությունների համար, հայտնում է Squawka-ն:

Հիշեցնենք, որ հոլանդացի մասնագետ Էրիկ տեն Հագի գլխավորած թիմը երկրորդ խաղակեսի ավելացված ժամանակի 3-րդ րոպեին էր շոտլանդացի կիսապաշտպան Սքոթ Մաքթոմինեյի ջանքերով խփել միակ ու հաղթական գոլը:

«Մանչեսթեր Յունայթեդը» E խմբում 9 միավորով 2-րդն է, և 3 միավոր է զիջում առաջին տեղում գտնվող իսպանական «Ռեալ Սոսյեդադին», որն ապահովել է փլեյ-օֆֆի ուղեգիր։