Իտալական Սարդինիա կղզու Կալա Գոնոնե բնակավայրում ընթացող մինչև 20 տարեկանների շախմատի աշխարհի առաջնությունում կայացան 4-րդ տուրի մրցախաղերը:
Անհաջող մեկնարկից հետո Մարիամ Մկրտչյանը 2-րդ անընդմեջ հաղթանակը տարավ: Մինչև 18 տարեկանների աշխարհի գործող չեմպիոնուհին սպիտակներով 54-րդ քայլին պարտության մատնեց վրացի Եկատերինե Պիպիային:
4 տուրից հետո Մկրտչյանն ունի 2,5 միավոր և ընդամենը մեկ միավոր է զիջում առաջատարներին:
Տղամարդկանց մրցաշարում Արթուր Դավթյանը 2-րդ հաղթանակը տարավ՝ սպիտակներով 37-րդ քայլին առավելության հասնելով սերբ Միլոշ Միլոշևիչի նկատմամբ: Դավթյանը 3 միավոր է վաստակել:
Արմեն Բարսեղյանը սպիտակներով 31-րդ քայլին հաշտություն կնքեց ռուսաստանցի Արսենի Նեստերովի հետ: Նրա հաշվին 2,5 միավոր է գրանցված:
Հոկտեմբերի 15-ին կկայանան 5-րդ տուրի մրցախաղերը:
