Խորվաթիայի հավաքականի և Մադրիդի «Ռեալի» կիսապաշտպան, «Ոսկե գնդակի» դափնեկիր Լուկա Մոդրիչն օգոստոսի 27-ին նշում է «Արքայական ակումբի» խաղացող լինելու տասնամյակը:
«Տասը տարի առաջ՝ այս օրը, ես պայմանագիր ստորագրեցի Մադրիդի «Ռեալի» հետ: Իմ կյանքի լավագույն որոշումներից մեկը:
Աշխարհի լավագույն ակումբում խաղալը երազ է, ու ես չեմ ուզում արթնանալ: Հալա Մադրիդ, շարժվում ենք առաջ»,- գրել է Մոդրիչն թվիթերյան միկրոբլոգում:
Hoy, hace 10 años, fiché por el Real Madrid. Una de las mejores decisiones de mi vida. Jugar en el mejor club del mundo es un sueño del que todavía no me quiero despertar. HALA MADRID!! Seguimos 💪😄🙏 pic.twitter.com/gOV9ZQh3cp
— Luka Modrić (@lukamodric10) August 27, 2022
36-ամյա Լուկա Մոդրիչը Մադրիդի «Ռեալին» միացել է 2012 թվականին՝ տեղափոխվելով Լոնդոնի «Տոտենհեմից»: «Արքայական ակումբը» տրանսֆերի համար վճարել է 35 միլիոն եվրո: Մադրիդյան գրանդի մարզաշապիկով խորվաթ կիսապաշտպանը նվաճել է բազմաթիվ տիտղոսներ, որոնց թվում են Չեմպիոնների լիգայի 5, աշխարհի ակումբային առաջնության 4 գավաթները: Մոդրիչն Իսպանիայի եռակի չեմպիոն է, 4 անգամ նվաճել է ՈւԵՖԱ-ի Սուպերգավաթը, 1 անգամ դարձել է Իսպանիայի գավաթի, 4 անգամ՝ Սուպերգավաթի հաղթող:
