MLS-ի կանոնավոր առաջնության հերթական տուրում «Ինտեր Մայամին» մրցակցի խաղադաշտում 3-1 հաշվով հաղթել է «Լոս Անջելեսեին»:

Արգենտինացի հարձակվող Լիոնել Մեսին գոլ չի խփել երկրորդ խաղում անընդմեջ, բայց դարձել է երկու գոլային փոխանցման հեղինակ։ Աշխարհի չեմպիոնի ասիստներից մեկը գոլով է եզրափակել իսպանացի պաշտպան Ժորդի Ալբան։

36-ամյա Մեսին նոր թիմում անցկացրած 11 խաղում դարձել է 11 գոլի և 5 գոլային փոխանցման հեղինակ:

«Ինտեր Մայամին» 25 միավորով նախավերջին՝ 14-րդ տեղում է Արևելյան կոնֆերենցիայում:

MLS, կանոնավոր առաջնություն

«Լոս Անջելես» - «Ինտեր Մայամի»՝ 1-3

Ռայան Հոլինգզհեդ, 90 – Ֆակունդո Ֆարիաս, 13, Ժորդի Ալբա, 51, Լեոնադրո Կամպանա, 83