Պորտուգալացի մասնագետ Պաուլու Ֆոնսեկան նշանակվել է իտալական «Միլանի» գլխավոր մարզիչ։ Կողմերը կնքել են երեք տարվա պայմանագիր, հաղորդում է ակումբի մամուլի ծառայությունը։
Նախորդ երկու մրցաշրջաններում 51-ամյա մարզիչը գլխավորում էր ֆրանսիական «Լիլը», որն այս տարի չորրորդ տեղը գրավեց Լիգա 1-ում։ Նախկինում Ֆոնսեկան աշխատել է նաև իտալական «Ռոմայում», ուկրաինական «Շախտյորում», պորտուգալական «Բրագայում», «Պորտուում» և այլ ակումբներում։ «Ռոմայում» նրա գլխավորությամբ խաղացել է նաև Հայաստանի հավաքականի նախկին ավագ, այժմ «Ինտերում» հանդես եկող Հենրիխ Մխիթարյանը։
Հիշեցնենք, որ «Միլանը» գլխավոր մարզիչի պաշտոնը թափուր էր Ստեֆանո Պիոլիի հեռանալուց հետո: 58-ամյա մասնագետը 2019 թվականից էր գլխավորում իտալական ակումբը, որի հետ 2022-ին դարձել էր Ա սերիայի չեմպիոն: Իտալիայի ավարտված առաջնությունում «Միլանը» գրավել է երկրորդ տեղը։
𝐏𝐚𝐮𝐥𝐨 𝐅𝐨𝐧𝐬𝐞𝐜𝐚
— AC Milan (@acmilan) June 13, 2024
Official Statement 👉 https://t.co/8VToZbcKxv
Comunicato Ufficiale 👉 https://t.co/ZTnirAMhqY#SempreMilan pic.twitter.com/mMAkh0vEBR
